Со победата против Јувентус, Наполи направи многу важен чекор кон титулата. Сепак, и во еуфоријата тренерот Лучијано Спалети вели дека „ мора да се почека уште малку пред да се отвориме шампањско“.
„Ова е важна победа на патот до конечната победа, па нормално е играчите да слават. Кога ќе добиете ваков натпревар во судиското надополнување, среќата е уште поголема. Но, мора да почекаме уште малку пред да го отвориме шампањот“, изјави Спалети.
Фудбалерите на Наполи синоќа во Торино го победија Јувентус со 0:1. Елиф Елмас на фантастичен начин го пронајде Џакомо Распадори кој погоди во третата минута од судиското продолжение.
Наполи е прв на табелата со 78 бода, 17 повеќе од второпласираниот Лацио на шест кола пред крајот на сезоната.
Следниот викенд Наполи ќе ја има првата можност математички да го потврди „скудетото“, а 64-годишниот Спалети да стане највозрасниот тренер кој ја освоил титулата во Серија А и да го собори рекордот поставен од Маурицио Сари во 2020 година, кога беше шампион со Јувентус на 61 година.
