Министерот за внатрешни работи на Хрватска Давор Божиновиќ го коментираше убиството на 41-годишниот Томислав Сабљо во ноќниот клуб Риц.
„Основната работа, а ја слушнавте и соопштението на загрепската полициска управа, е дека полицијата навремено реагирала, дека уапсила две лица кои се поврзани со тоа убиство, а сега се води кривична истрага која ќе резултира со епилог, а потоа ога се ќе биде јасно и ќе можам да кажам детално“, рече Божиновиќ, нагласувајќи дека повеќе од тоа не може да каже.
Тој истакна дека полицијата е ефикасна и дека градоначалникот на Загреб, Томислав Томашевиќ, со право рекол дека ефикасноста на полицијата никогаш не била поголема, пренесува Н1.
„Во овој момент можеме да констатираме дека не се работи за однапред планирано убиство или договорен конфликт меѓу инволвираните лица, веројатно е дека порано се случила расправија, ситуационо кривично дело. Затоа, криминал има, но криминалот во Хрватска ефикасно се решава“, нагласи Божиновиќ.
