Силна експлозија одекна во четвртокот вечерта во рускиот град Белгород, 40 километри северно од руската граница со Украина.
Руската државна новинска агенција Тас, повикувајќи се на Министерството за одбрана, објави дека руски воен авион случајно истрелал проектил.
„Додека авионот Сухој Су-34 на воздухопловните сили летал над градот Белгород, дошло до случајно испуштање на авионска муниција“, стои во соопштението.
Clearer video of a Russian bomb that detonated in Belgorod last night. pic.twitter.com/vZnoFFvq7J
— Dmitri (@wartranslated) April 21, 2023
Експлозијата создала кратер од 20 метри на една од раскрсниците во градот. Оштетени се четири автомобили и четири станбени згради, изјави локалниот гувернер.
