Вчеравечер околу 21 часот и 20 минути, полициски службеници на СВР Тетово го лишиле од слобода 57-годишниот А.А. од тетовско Мерово, кој бил пријавен од жители на ова село дека претходно предизвикал пожар во куќата во која престојувал сам и во блиската плевна.
Тој според пријавеното, сакал да предизвика пожар во уште една куќа, сопственост на негов близок роднина.
Тој е задржан во Полициската станица Тетово.
Денеска, според полицијата ќе се изврши увид и ќе се расчистува и документира случајот.
