Индиското Министерство за одбрана и додели на „Барат Динамикс“ договор вреден 1 милијарда долари за снабдување на надградениот систем за воздушна одбрана Акаш.
Домашниот систем за краток дострел ќе биде распореден во третата и четвртата армија лоцирани на северните граници на земјата, пишува „Дифенс пост“.
Договорот се очекува да биде завршен во рок од три години.
Мобилниот систем за воздушна одбрана се состои од ракети, напредни фрлачи, опрема за поддршка, возила и инфраструктура. Тој забележа неколку подобрувања во однос на претходните верзии, вклучително и „технологија за следење на целта, намалена рефлексија на радарот, можност за употреба во сите правци и други параметри“, се вели во соопштението на индиското Министерство за одбрана.
Системот може да ги неутрализира заканите како што се авиони, крстаречки и балистички ракети, како и ракети воздух-земја на растојание до 30 километри и до висина од 18 километри. Една батерија на системот за воздушна одбрана Акаш се состои од радар за пасивно електронско скенирање Rajendra 3D и четири фрлачи со три проектили по фрлач.
Системот може да следи до 64 цели истовремено и да нападне 12.
