Се очекува Доналд Трамп да пристигне во судот на Менхетен во 12:30 часот. Овде ќе му земат отпечатоци и ќе го сликаат. Инспекторите потоа ќе ја пополнат документацијата за апсење и ќе проверат дали има отворени кривични пријави или налози против него.
По приведувањето, поранешниот американски претседател ќе се појави пред судијата околу 20:15 часот по наше време. Тоа значи дека судијата ќе му ги прочита обвиненијата против него и ќе побара од него да ја признае вината. Тоа ќе се случи во истата судница каде минатата година неговата компанија беше осудена за даночна измама.
Се очекува Трамп да се изјасни за невин, а доколку го стори тоа, судијата ќе закаже дополнително сослушување или судење.
Трамп треба да се врати на својот имот Мар-а-Лаго во Палм Бич, Флорида во среда во 2:15 часот по средноевропско време, каде што ќе им се обрати на медиумите.
