НБА во понеделник навечер ќе запре за момент бидејќи вниманието на американската кошаркарска јавност ќе биде насочено кон Хјустон, каде се одржува фајналфор на НЦАА лигата каде за трофејот ќе се борат екипите на Универзитетот во Конектикат и Сан Диего Стејт.
Додека Конектикат го совлада Мајами со 72:59 со рутинска, врвна одбрана, вториот натпревар го реши драматичен кош во последната секунда. Ламонт Батлер погоди за 72:71 против Флорида Атлантик. Сан Диего се врати од негатива од 14 поени во второто полувреме и успеа да направи историски подвиг со првиот пласман во завршницата на лигата.
LAMONT BUTLER WINS IT AT THE BUZZER 😱
THE AZTECS ARE #NATIONALCHAMPIONSHIP BOUND 🔥#MarchMadness pic.twitter.com/2sqxu5g05j
— NCAA March Madness (@MarchMadnessMBB) April 2, 2023
Ова беше првиот „бузер-битер“ во историјата на фајналфорот на НЦАА лигата.
Конектикат, шести пат се пласираше меѓу најдобрите четири тима, а по петти пат е во финалето. Има титули од 1999, 2004, 2011 и 2014 година. Финалето ќе се одигра ноќта понеделник кон вторник.
