Папата Франциск денеска ја напушти болницата Гемели во Рим, каде неколку дена беше лекуван од инфективен бронхитис.
-Сè уште сум жив, се пошегува папата (86) на излегување од болницата.
Ватикан вчера потврди дека папата Франциск ќе ја напушти болницата денеска а утре планира да ја предводи мисата за верскиот празник Цветници, на плоштадот Свети Петар.
Светиот Отец пред три дена беше примен во римската болница каде прими антибиотска терапија. Папата, кој има повеќе здравствени проблеми, беше примен во болница поради проблеми со дишењето. Претходно во петокот, извори од Ватикан соопштија дека Папата поминал втора мирна ноќ во болницата, што е уште еден знак дека добро закрепнува од бронхитисот.
