Чиле и Парагвај одиграа пријателски натпревар со пет гола и три црвени картони. Парагавај имаше 1:2 по првите 45 минути, на крајот Чиле победи со 3:2.
Едуардо Берисо, во седмиот меч ја забележа првата победа како селектор на Чиле. За победата треба да му се заблагодари на ветеранот Алексис Санчес, кој го креираше пресвртот.
Чиле поведе со голот на Пауло Диас (25.минута), но Парагвај направи пресврт во интервал од 120 секунди со головите на Матиас Рохас и Габриел Авалос во 32. и 34. минута.
Во вториот дел на теренот влезе 35.годишниот Санчез. Ветеранот постигна гол во 76.минута, а во самиот финиш изведе корнер по кој голманот на Парагвај Силва си постигна авто гол.
Alexis Sánchez. Siempre Alexis 🇨🇱 pic.twitter.com/04uh1h20zK
— Pato Figueroa (@soypatofigueroa) March 28, 2023
La picardia de Alexis Sánchez el error de Silva y el 3 a 2 de Chile sobre Paraguay ¿Gol de Alexis o Autogol?#LaRoja#LaRojaxCHVpic.twitter.com/vpFfAs5ZGl
— Chilean Premier League (@AbranCancha8) March 28, 2023
Интересно, Санчез натпреварот го одигра со бројот 10 на грбот. Исто како на почетокот на кариерата, бидејќи на 27 април 2006 година го одигра првиот меч за Чиле со тој број, а подоцна се прослави во „седумката“.
„Со „седумката“ ги срушив сите рекорди: Станав најдобар стрелец во историјата на репрезентацијата и најдобар асистент. Сега „седумката“ му ја давам на друг фудбалер (Марселин Нунес од Норич), а со „десетка“ започнувам нова ера“, изјави Алексис по мечот.
