Регулаторите ја уверуваат јавноста дека банкарскиот систем на САД е безбеден. Ова беше објавено откако новите податоци покажаа дека клиентите неодамна повлекле речиси 100 милијарди долари депозити од американските банки. Министерот за финансии Џенет Јелен, претседателот на Федералните резерви Џером Пауел и повеќе од десетина други свикаа специјален затворен состанок на Советот за надзор на финансиската стабилност во петокот.
„Панелот разговараше за актуелните предизвици во банкарскиот сектор и истакна дека, иако некои институции се под стрес, банкарскиот систем на САД останува здрав и издржлив“, се вели во соопштението. Панелот, исто така, разговараше за тековните напори на агенциите членки за следење на финансиските трендови.
Немаше други детали за средбата.
Инаку, податоците покажуваат дека најголем дел од повлечените пари биле од малите банки. Големите институции забележаа раст на депозитите за 67 милијарди долари, додека помалите банки забележаа одлив од 120 милијарди долари.
