Канадскиот пејач Д’ Викенд стана првиот изведувач кој достигна 100 милиони месечни слушања на „Спотифај“.
Се наведува дека никој друг не е ни блиску до неговиот успех на стриминг.
Имено, 33-годишниот музичар постави два светски рекорди – тој е пејачот кој има најмногу месечни слушатели на „Спотифај“ и првиот уметник што некогаш дошол до 100 милиони слушатели месечно на гигантот за стриминг на музика.
Патем, песната Blinding Lights на Д’ Викенд од 2020 година е најстримуваната песна на „Спотифај“ на сите времиња, со повеќе од 3.47 милијарди стримови, пренесува Си-би-ес њуз.
Музичарот објави спот за оваа песна на почетокот на 2020 година, а досега е прегледан повеќе од 691 милион пати на „Јутјуб“.
Само два месеци по објавувањето на песната, таа се најде во топ-100 песни на Билборд-листата.
Неговата песна Starboy е исто така една од најслушаните песни на сите времиња на „Спотифај“.
