Со повеќе активности општина Гостивар го одбележа Меѓународниот ден на Даунов синдром.
Активностите започнаа од градскиот парк каде градоначалникот на општина Гостивар, Арбен Таравари, заедно со здруженијата и центрите кои работат со луѓе со различни способности и соработници, ги обоија рацете со боја и оставија знаци на споменикот „Гостивар“.
Активностите продолжија со свечен ручек за овие лица и нивните семејства, додека општинската администрација им послужи храна за овие лица.
На активноста беа поканети Здружението за лица со различни потреби „Заедно можеме“, Дневниот центар за деца со посебни потреби и двете посебни паралели на основните училишта „Исмаил Ќемали“ и „Мустафа Кемал Ататурк“.
Инаку, во Гостивар традиционално веќе пет години се одбележува Меѓународниот ден на Даунов синдром.
