Драмата продолжува меѓу славниот голф играч Тајгер Вудс и неговата поранешна девојка Ерика Херман, која покрена тужба против него и бара оштета од 30 милиони долари за наводно непочитување на устен договор.
Ерика и Тајгер живееја заедно на Флорида во текот на нивната шестгодишна врска.
Додека биле заедно, Ерика, тогашна менаџерка на ресторан, наводно вршела услуги за спортската легенда наместо да плаќа кирија, иако имало само устен договор за закуп меѓу парот. Таа тврди дека закупот требало да трае уште пет години откако се разделија минатата есен.
Сепак, според документите до кои дојде „ТМЗ“, Ерика тврди дека минатата есен персоналот на Тајгер ја убедил да се спакува за кус одмор без него, но откако ја однела до аеродромот, ѝ било кажано дека не ѝ дозволено да се врати во куќата.
38-годишната жена тврди дека еден од адвокатите на Тајгер ја пречекал на аеродромот со предлог за решавање на какви било проблеми меѓу поранешната двојка. Таа исто така тврди дека ѝ биле одземени повеќе од 40.000 долари во готовина од куќата, откако ја обвиниле дека прави нешто сомнително за да ги добие парите.
Ерика покрена тужба против фондацијата на Тајгер, сопственикот на куќата, и бара 30 милиони американски долари за кои тврди дека е разумна вредност за изнајмување на куќата на Тајгер за пет години за кои таа тврди дека преостануваат според нивниот устен договор.
