Украинските сили со експлозив го разнесоа железничкиот мост кај Бахмут.
На социјалните мрежи се појави видео, пишува Си-ен-ен.
Мостот бил уништен од контролирана експлозија.
Се верува дека рушењето на овој мост може да биде знак оти Украинците се повлекуваат од градот што го бранат од есен. Но, Украинците негираат. Украинската 46. бригада, која оперира во градот, ги негира извештаите за повлекувањето велејќи дека мостот веќе е неупотреблив.
„Мостот е уништен одамна. Тие што се во Бахмут го знаат тоа. Сега тоа беше само контролен удар. Не ширете паника. И, да, таму може да се помине реката без мост“, велат тие.
