Професорот од Киев, Максим Камениецки од Универзитетот Тарас Шевченко, Институтот за меѓународни односи, опиша како изгледа животот сега во главниот град на Украина.
„Нештата што го сочинуваат обичниот живот – залихи, продавници, греење, струја, вода, сите сега работат нормално. Имавме потешкотии кога имаше намалувања за 30 часа, но сега сè функционира. Животот, барем во Киев, изгледа нормално. Но, повремените несреќи во воздухот предизвикуваат безбедносни проблеми, оценува тој.
„Кога има тревога за воздушен напад, градскиот транспорт не работи, поголемите продавници мора да ги пуштат сите посетители, канцелариите не работат, градинките со деца мора да одат во засолништа. Но, ние веќе научивме да живееме со тоа“, изјави професорот Камениецки за емисијата „Добро утро, Хрватска“ на ХРТ.
Камениецки вели дека живее во зграда во која останале сите станари и дека луѓето станале пообединети. „Во моето маало живеат луѓе од средна и пониска класа, тие не сакаат да си одат затоа што мислат дека немаат доволно пари да живеат на друго место.
Во овие услови луѓето станаа посолидарни еден кон друг. Тоа беше особено видливо кога им се помагаше на постарите и на луѓето со мали деца“, рече тој, осврнувајќи се на изјавите на украинскиот претседател Володимир Зеленски дека војната ќе заврши во 2023 година.
„Претседателот може да го каже тоа поради две причини. Првата е затоа што знае повеќе од нас и веројатно се подготвува нешто за да се стави крај на војната. А втората причина е да се подигне моралот. Ми се допаѓа првата причина, и она што го гледам сугерира дека тоа е некој план“, коментира киевскиот професор.
Камениецки смета дека и во Русија ќе има политички промени. Тој смета дека рускиот претседател Владимир Путин ќе ја напушти власта.
„Путин не е вечна личност, тој не е вечен претседател и на некој начин ќе ја напушти власта. Тешко ми е да кажам кога ќе биде тоа. Русија е земја во која владее оној кој владее со медиумите, а Русите се под некаква медиумска анестезија“, изјави Камениецки.
