Меган Маркл долго време тврди дека не знаела ништо за кралското семејство пред да се сретне со принцот Хари.
Но, откако исплива на површина блог од нејзината сега веќе непостоечка веб-страница The Tig, медиумите ги преиспитуваат нејзините тврдења дека не знаела кој е принцот Хари и не го истражувала кралското семејство.
Нејзин блог од 2014 година повторно ја поттикна дебатата за тоа колку Меган Маркл знаела за кралското семејство пред да му се придружи.
Имено, две години пред да го запознае принцот Хари, Меган водела блог The Tig, кој се фокусирал на животен стил и слично. Меган на своите читатели им давала совети и идеи за повеќе работи, од патување до храна, како и убавина и начин на живот.
Како што објави „Пејџ сикс“, Меган Маркл напишала блог во 2014 година за свадбата на Кејт Мидлтон ипринцот Вилијам. Во објавата на блогот, се чини дека таа гледа со презир на изборот на принцезата Кејт да се омажи за принцот Вилијам.
Војвотката од Сасекс го угаси својот блог во април 2017 година, неколку месеци пред да биде објавено дека таа и принцот Хари се свршиле.
