Францускиот претседател Емануел Макрон во Париз се сретна со украинскиот претседател Володимир Зеленски и германскиот канцелар Олаф Шолц.
„Злосторството агресија не може да се толерира под никакви околности, а уште помалку ако е извршено од сила како Русија. Иднината на Европа зависи од тоа што ќе се случи во Украина. Ние сме целосно свесни за тоа“, рече Макрон на заедничката прес-конференција во Елисејската палата.
Тој посочи дека „се додека Русија напаѓа“, воена поддршка ќе и биде неопходна на Украина и изјави дека разговара со Зеленски и Шолц за оперативните потреби на Киев.
