Кошаркарот на Голден стејт Вориорс, Стивен Кари ќе отсуствува од теренот поради повреда на коленото, соопшти денеска актуелниот шампион во НБА.
Кари се повреди во саботата вечерта кога се судри со Мекинли Рајт од Далас,во третата четвртина.
Голден стејт го доби тој натпревар со резултат 119:113. Тренерот на Вориорс, Стив Кер изјави дека вестите можеле да бидат полоши по магнетната резонанца.
„Мислам дека најважно е дека тој ќе биде надвор од терените некое време. Ќе направиме преоценка за неколку дена. А добрата вест е дека тој ќе се врати. Не знаеме точно кога, но тоа не е повреда ќе го оддалечи од тимот до крајот на сезоната. Ќе се врати оваа сезона и се надевам што е можно побрзо“, рече тој.
Најкорисниот играч на минатогодишното финале на НБА, поради повредата ќе го пропушти Ол-стар натпреварот, кој е закажан за 19.. февруари во Солт Лејк Сити.
