Момче по име Феликс е родено во брз воз на релација Париз-Штутгарт, соопшти француската железница СНЦФ.
Кондуктерот на возот, кој тргнал од Париз во неделата во 8 часот, веднаш по тргнувањето бил информиран дека бремена жена почнала да се пораѓа.
Во возот бил испратен повик за помош, па лекарот кој бил во возот дошол да и помогне на жената.
Возот 15 минути подоцна итно запрел, за да може жената да биде евакуирана, но таа не можела да излезе и се породила во возот што бил запрен на железничката станица.
Така се родило момчето Феликс, кое веднаш по раѓањето било однесено во болница заедно со неговата мајка.
Француската железница соопшти дека мајката и бебето се добро, а возот кој доцнел повеќе од еден час, ја скратил рутата и наместо за Штутгарт, тргнал кон Карлсруе, на југозападот на Германија,пренесе Н1.рс.
