Ждрепката ги спои Реал и Барселона во полуфиналето, во Купот на кралот. Првиот натпревар на програмата ќе биде наредната недела. За разлика од претходните рунди, во полуфиналето ќе се играат два натпревари (дома/гости).
Барселона и Реал Мадрид неодамна играа во финалето на шпанскиот Суперкуп кога Каталонците победија со 3:1. Тоа беше нивното второ соочување од почетокот на сезоната. Првото „Ел Класико“ во првенството го доби Реал со 2:1.
Втората полуфинална двојка ја формираа Осасуна и Атлетик Билбао.
Првите полуфинални натпревари во Мадрид и Памплона ќе се играат на 8. и 9. февруари, додека реваншите во Барселона и Билбао се закажани за 2. и 3. март.
