Синот кој го избоде до смрт својот татко по долгогодишно сексуално и физичко малтретирање е осуден на 10 години затвор за убиство од небрежност.
Шон Морис (31) го избодел својот татко Пол Морис во грб и гради вкупно 33 пати во нивниот дом во Бромли, во близина на Лондон, на 14 септември 2021 година.
Шон, кој е татко на едно дете, избегал од местото на настанот преку дворот на соседот и на покривот на соседна барака. Во меѓувреме се судрил со полицијата пред да успеат да го совладаат и уапсат.
Пол, за кој судијата рече дека е ужасен татко, им рекол на соседите дека сака да живее, пред да умре на прагот од домот.
На снимката од полициската камера, Шон вели дека нема што да изгуби.
„Многумина од вас се обидуваат да ме уапсат затоа што го претепав татко ми кој ме малтретираше, ме силуваше, а вие сакате да ме уапсите. Каде е правдата?“, порача тој.
Шон го признал убиството од небрежност, но поротата го ослободила од обвинение за убиство со умисла, по повеќе од 13 часа размислување, пишува Дејли Мејл.
