Европската Унија е подготвена за долготрајна војна во Украина и ќе го поддржува Киев против руската агресија сè додека е потребно, изјави денеска шведскиот министер за надворешни работи, Тобијас Билстром, чија земја претседава со ЕУ.
„И покрај континуираните обиди на Русија да нè подели, единството во ЕУ и преку Атлантикот беше силно.
ЕУ е подготвена за долготрајна војна и ќе продолжи да ја поддржува Украина политички, економски, воено и хуманитарно сè додека е потребно“, рече Билстром на прес-конференција, пренесува „Танјуг“.
Тој исто така рече дека ЕУ ќе продолжи да работи на нови санкции против Москва во врска со нападот врз Украина по досегашните воведени девет пакет-санкции.
