Секретарот на рускиот Совет за безбедност и близок соработник на Путин, Николај Патрушев, рече дека Западот може да се обиде да спаси некои од најозлогласените неонацисти во Украина и да ги искористи за планирање пуч во други земји.
„Неонацистичките криминалци кои дивееја во Украина во последниве години неизбежно ќе бидат казнети“, рече тој во интервју за aif.ru кога беше прашан дали е сигурен дека целите на специјалната операција ќе бидат постигнати, пренесуваат руските агенции.
„Исто така, не е исклучено да спасат некои од најлошите за да можат да се инсталираат во други земји за организирање пуч и саботажа“, додаде Патрушев.
Тој истакна дека таквите тактики биле користени по поразот на нацистичка Германија во 1945 година. Американците, британските и западногерманските функционери исчистиле делови од Германија од нацистите, но ги користеле за да ја изградат западногерманската армија и да ги развијат американските и британските тајни служби вклучително и единицата за тајни операции во социјалистичките земји, рече претставникот.
Тој исто така истакна дека ЦИА „активно користела поранешни вработени во „Абвер“ и службата за безбедност на „Третиот рајх“ за да основаат нови германски специјални служби.
„Американците активно им помагаа на нацистичките криминалци во повоените години да развијат нови видови оружје, вклучително и оружје за масовно уништување. Истото важи и за експлоатација на јапонски воени злосторници кои развиле и користеле хемиско и биолошко оружје“, рече Патрушев.
