Британската пејачка Џеси Џеј се огласи на социјалните мрежи изминатиов викенд за да сподели убава вест, дека чека бебе.
Таа откри дека е среќна, но и преплашена.
Покрај видеото кое прикажува позитивниот тест за бременост и дополнително скенирање поставено на нејзината песна Sunflower, во описот на објавата стои: „Многу сум среќна и преплашена што конечно ќе го споделам ова.“
Британската аренби, поп-рок и соул ѕвезда (34), која го освои светот со својот неверојатно моќен глас и уникатна појава, сè уште не го потврдила јавно статусот, но таблоидите дознаваат дека таа е во врска со кошаркарската ѕвезда Чанан Колман од почетокот на 2022 година.
Убавата вест доаѓа нешто повеќе од една година откако на интернет откри дека изгубила бебе во 2021 година, непосредно пред настап во Лос Анџелес.
