Искусниот американски крилен центар Крис Синглтон повторно е играч на двократниот последователен победник на Евролигата, Анадолу Ефес. Клубот од Истанбул и официјално потврди дека 33. годишниот од Џорџија, по шест месеци отсуство се враќа во тимот на Ергин Атаман.
Ефес нема константна форма во првата полусезона од Евролигата, а од неодамна е познато дека тимот повеќе не смета на Италијанецот Акиле Полонара.
Синглтон беше играч на Ефес од 2019 година до летото 2022 година, кога по освојувањето на втората титула во Евролигата ја раскина соработката со клубот.
Овој крилен центар висок 206 сантиметри има и искуство во НБА, бидејќи играше за Вашингтон Визардс од 2011 до 2014 година.
Европската кариера ја започна во 2015 година во Локомотив Кубам, потоа играше за Панатинаикос и Барселона.
