Илјадници луѓе пристигнуваат на погребот на поранешниот папа Бенедикт Шеснаесетти, кој почина на 95-годишна возраст.
Некои почнаа да пристигнуваат во Ватикан уште во четири часот наутро, пет и пол часа пред почетокот на погребот, кој ќе го води папата Франциско пред базиликата Свети Петар, а повеќе од 120 кардинали, повеќе од 400 бискупи и приближно 4.000 свештеници ќе служат миса пред олтарот.
Безбедносните проверки почнаа уште пред зори за верниците навреме да го заземат своето место на плоштадот Свети Петар. За обезбедување на настанот повикани се дополнителни илјада италијански полицајци, а од безбедносни причини воздушниот простор над Ватикан ќе биде затворен.
