Кондомите за млади Французи до 25 години сега се бесплатни во сите аптеки низ земјата, пренесува ДПА, додавајќи дека владата на претседателот Емануел Макрон смета дека тоа е превентивна мерка за спречување на несакана бременост и сексуално преносливи болести.
Овој план Макрон го претстави на почетокот на декември и првично беше наменет за млади од 18 до 25 години, но по критиките тој беше проширен и на малолетници.
Мерката за бесплатна контрацепција, вклучувајќи апчиња и спирали, за жени до 25 години е на сила веќе една година, а претходно право на бесплатни апчиња за контрацепција имаа и девојките до 18 години.
Со иницијативата за кондоми, Макрон се обидува да го реши проблемот со сексуалното здравје кај младите.
За сексуалното образование, Макрон рече дека Франција не се изразила и дека „реалноста е многу, многу далеку од теоријата“.
„Мораме подобро да ги едуцираме наставниците во таа област, мораме повторно да ги сензибилизираме“, рече Макрон,пренесе Индекс.хр.
