Четири лица загинаа кога автобус излета од патот во Канада. Повеќе од 50 лица се повредени и пренесени во болница, соопштија канадските власти.
„Можеме да потврдиме дека четворица патници се пронајдени мртви“, информираа од канадската полиција.
Оттаму додаваат дека загинатите патници се’ уште не се идентификувани, а причината за несреќата се’ уште се истражува.
Патничкиот автобус излетал од патот и се превртел на страна. Условите на патиштата се опишани како многу лоши, покриени со мраз и снег. Возачот на автобусот во истрагата соработува со полицијата.
