Утрински Весник
Свет

(Видео) Над илјада луѓе на протестот во Париз, полицијата употреби солзавец

(Видео) Над илјада луѓе на протестот во Париз, полицијата употреби солзавец

Курдски активисти, левичарски политичари и антирасистички групи протестираа денеска во Париз поради убиството на три лица во близина на курдскиот културен центар.

dobivaj vesti na viber

Убиството се случи во главниот град на Франција, а осомничениот напаѓач е ранет и се наоѓа во притвор.

Станува збор за 69-годишен француски државјанин, кој беше обвинет за напад врз мигранти минатата година, но овој месец беше ослободен од обвиненијата. Тој се соочува со обвиненија за убиство и обид за убиство од расистички мотив, соопшти денеска париското обвинителство.

Илјадници луѓе се собраа денеска на Плоштадот на Републиката во источниот дел на Париз, под знамињата на курдските групи за човекови права, политичките партии и други.

Собирот беше главно мирен, но некои млади момчиња фрлаа предмети и се судрија со полицијата која употреби солзавец.

Нападот ја потресе курдската заедница во француската престолнина и ја стави полицијата во посебна готовност за божиќниот викенд.

Присутните бараа нападот да се третира како терористички чин.

Можете да прочитате

Во срцето на летото: На алпите наврнаа 80 сантиметри снег!

Зеленски: Русија синоќа употреби околу 400 дронови и 18 ракети во Украина

Русија конфискувала имот вреден 50 милијарди долари од почетокот на војната во Украинаķ