Министерот за внатрешни работи Оливер Спасовски одговарајќи на новинарско прашање во Кавадарци, во однос на најавите за поставени екплозивни направи неколку училишта во Кавадарци, истакна дека целиот случај е расчистен.
„Во однос на ова прашање за закани за поставени бомби во Кавадрци кои секако ги вознемирија граѓаните, можам да кажам дека целосно е расчистен случајот. Денеска се поднесува кривична пријава до соодветното Јавно обвинителство, така да откриен е сторителот и затворен е целиот случај”, информираше министерот Спасовски.
Месецов во неколку наврати имаше дојави за поставени експлозивни направи во училишта во Кавадарци.
