На Полска и на Италија им е „преку глава од европската бирократија“, изјави полскиот премиер Матеуш Моравјецки, цитиран од „Политико“.
„Европа на татковините, а не европска супердржава“, рече Моравјецки во интервју за италијанскиот весник „Стампа“.
„Полјаците и Италијанците се заситени од диктатите на европската бирократија и сакаат вистинска демократија. Сакаме да ја обновиме ЕУ со враќање на нејзините основни принципи“, рече Моравјецки.
Друга заедничка работа меѓу двете земји е нивната силна поддршка за Украина, додаде тој и рече дека „неоимперијалистичката политика на Владимир Путин е сериозна опасност не само за Киев, туку и за цела Европа“.
