Чарлс Собрај, осуден сериски убиец осомничен дека е одговорен за низа убиства во 1970-тите и 1980-тите, ќе биде ослободен по речиси 20 години минати во затвор во Непал.
Врховниот суд на Непал во средата нареди негово ослободување по 19 години затвор, наведувајќи ги како причини возраста и здравјето, пренесува „Ројтерс“.
Собрај (78), француски државјанин, е осомничен дека убил повеќе од 20 луѓе на „хипи патеката“ низ Азија.
Минатата година Би-Би-Си и Нетфликс копродуцираа ТВ серија која ги прикажува неговите злосторства наречена „Змијата“.
