Шест тинејџерки на возраст меѓу 13 и 16 години се обвинети за убиство на 59-годишен маж кој живеел во прифатилиште за бездомници во Торонто.
Тинејџерките убиството го извршиле со ножеви, јавува Би-Би-Си.
Девојките биле уапсени веднаш по убиството, а при апсењето било одземено и оружјето.
Тинејџерките се собрале преку социјалните мрежи, а три од нив веќе и’ се познати на полицијата.
Според една жена која живее во истото засолниште, тинејџерките гo изболе мажот кога тој се обидел да ја заштити од малтретирање.
Градоначалникот на Торонто Џон Тори изјави дека е „длабоко вознемирен“ од убиството, особено возраста на девојките кои го извршиле злосторството.
