Министерството за образование на талибанските власти денеска соопшти дека пристапот на жените до универзитетите во Авганистан ќе биде суспендиран до понатамошно известување.
Во директива на талибанското министерство до јавните и приватните високообразовни институции, се наредува веднаш да се прекине пристапот на жените до универзитетите во согласност со владината одлука, пренесува „Ројтерс“.
Оваа рестриктивна мерка на талибанците во областа на образованието на жените е најнова во серијата ограничувања воспоставени против жените и најверојатно ќе предизвика загриженост кај меѓународната заедница, соопшти агенцијата.
