Пратеникот во Европскиот парламент, Тонино Пицула, изјави денеска дека рускиот претседател Владимир Путин направил повеќе за проширување на ЕУ и НАТО, отколку, како што рече, можеби сите застапници во Унијата и Алијансата.
Тој оцени дека ова е прва надворешна криза од 2008 година, која ја погоди ЕУ и дека всушност ја фаворизира политиката на проширување и не го намалува, како што рече, апетитот за дојденци.
„Политиката на проширување досега беше најдобриот гарант за проширувањето на европското влијание и стабилност, а можеме да кажеме дека Владимир Путин направи повеќе за да ја обнови политиката за проширување на ЕУ и да го прошири НАТО отколку можеби сите застапници одвнатре“, рече Пицула, пренесе Танјуг.
