Климатските промени доведоа до значително поголеми и посмртоносни епидемии на колера пријавени во околу 30 земји оваа година, објави денеска Светската здравствена организација.
СЗО соопшти дека ги следи епидемиите на колера во 30 африкански земји, како и зголемувањето на Хаити.
Истражувачите процениле дека годишно има од 1,3 до 4 милиони случаи на колера и од 21.000 до 143.000 смртни случаи од колера ширум светот, според СЗО.
„Ситуацијата е сосема без преседан, бидејќи не само што гледаме повеќе епидемии, туку овие епидемии се поголеми и посмртоносни од оние што ги видовме во изминатите години“, рече Филип Барбоза, кој го предводи тимот на СЗО за колера и епидемија на дијареа.
Лекарите без граници известија дека оваа година имало епидемии на колера во бегалски кампови во Либан, Сомалија и Нигерија.
Колерата е акутна инфекција предизвикана од Vibrio cholerae која го зафаќа целото тенко црево и се карактеризира со обилна водена дијареа, повраќање, грчеви во мускулите, дехидрација, олигурија и колапс.
Колерата погодува околу три до пет милиони луѓе ширум светот и е одговорна за меѓу 28.800 – 130.000 смртни случаи годишно.
„Она што е повторно многу ново од почетокот на годината и крајот на минатата година е многу видливото влијание на климатските промени“, рече Барбоза.
