Претседателката на Словачка, Зузана Чапутова денеска ја распушти владата на премиерот Едуард Хегер откако парламентот му изгласа недоверба на неговиот кабинет.
Чапутова побара од Хегер и неговиот кабинет да ја извршуваат функцијата додека не се формира нова влада и рече дека политичките лидери треба да ги разгледаат чекорите за одржување предвремени избори во првата половина на следната година, објави Ројтерс.
На словачката коалициска влада во четвртокот и беше изгласана недоверба на парламентот.
Во парламентот со 150 места, 78 пратеници, два повеќе од потребните 76, гласаа за разрешување на трипартиската малцинска влада на премиерот Хегер.
