Претстојниот филм „Балерина“ го додава Норман Ридус од „Живи мртовци“ во растечкиот актерски тим на чело со Ана де Армас.
Филмот со Армас во главната улога моментно е во продукција, а ветераните од серијалот „Џон Вик“ – Јан Мекшејн, Анџелика Хјустон и Ленс Редик – се враќаат во тимот. Ќе им се придружи и Каталина Сандино Морено. Кијану Ривс наводно ќе има кусо појавување како Џон Вик.
Норман Ридус, лицето зад омилениот убиец на зомби од драмската серија „Живи мртовци“ (The Walking Dead), е избран да глуми покрај Армас – жената што бара одмазда.
Деталите за неговата улога остануваат во тајност, но приказната ќе се фокусира на ликот на Армас, Руни, жена убиец која бара одмазда за убиството на татко ѝ (за разлика од она што може да навести насловот).
Филмот е спиноф од „Џон Вик: Поглавје 3“, базиран на сцена во која Вик ја посетува балетската група што ја води шеф на криминален синдикат. Дејството се одвива помеѓу „Поглавје 3“ и „Поглавје 4“.
Снимањето веќе почна со Лен Вајсман на режисерското кормило.
