Холандскиот репрезентативец Френки де Јонг, кој беше соиграч на аргентинската суперѕвезда Лионел Меси две сезони во Барселона, изјави дека не знае како може да биде запрен.
Холандија и Аргентина ќе се соочат во четвртфинален натпревар на Светското првенство во фудбал в петок, на 9 декември од 20 часот.
„Многу добро ги познавам квалитетите на Меси, но не знам како да го спречиме. Веќе 15 години ја прави разликата на фудбалските терени и нема дефинитивен начин да го запрете. Тоа е видливо и на тренинг. Мораме да го запреме со тимска игра“, одговори 25-годишниот холандски фудбалер.
Тој додаде дека не размениле телефонски пораки со Лео Меси за претстојниот натпревар и дека не планираат да го сторат тоа.
„Ќе се видиме во петок на теренот“, порача Френки де Јонг.
