Принцот Вилијам го поздрави американскиот претседател Џозеф Бајден на брегот во Бостон како дел од повеќедневната посета на членовите на британското кралско семејство на САД.
Патувањето во САД за да се истакнат напорите за справување со глобалните еколошки предизвици што започна во средата е прво патување на Вилијам и неговата сопруга Кејт во странство како принц и принцеза од Велс по смртта на кралицата Елизабета во септември, објави „Ројтерс“.
Вилијам и Бајден направија кратка прошетка пред закажаната средба во библиотеката Џон Ф. Кенеди. Двајцата се очекува да разговараат, меѓу другото, за заедничките климатски цели и да се даде приоритет на проблемите со менталното здравје, изјави портпаролката на Белата куќа Карин Жан-Пјер за новинарите пред средбата.
