Надзорниот одбор на градот Сан Франциско гласаше да и дозволи на градската полиција да користи „роботи убијци“ или роботи опремени со експлозиви.
СФПД изјави за Би-Би-Си дека во моментов не користи роботи опремени со смртоносни уреди. Но, таа додаде дека такво сценарио е можно во иднина.
Портпаролот на полицијата рече дека „роботите би можеле да имаат експлозив во себе што ќе се користи за пробивање на утврдени објекти во кои се сместени насилни, вооружени или опасни субјекти“.
Тој, исто така, рече дека тие може да се користат за „онеспособување или дезориентирање на насилни, вооружени или опасни осомничени кои претставуваат смртна закана“ и дека ќе се користат само во екстремни ситуации.
Мерката беше усвоена во вторникот со амандман со кој се прецизира дека полицајците можат да ги користат овие роботи само откако ќе користат алтернативни тактики за деескалација. Противниците на оваа одлука наведуваат дека тоа може да доведе до дополнителна милитаризација на полициските сили.
Овој тип на смртоносен робот веќе се користи во други делови на САД. Во 2016 година, полицијата во Далас, Тексас, употреби робот вооружен со експлозив Ц-4 за да убие снајперист кој уби двајца и рани неколку други полицајци.
„Овој потег би можел да ги поттикне луѓето да се чувствуваат сè повеќе одвоени од употребата на сила и од последиците од тој чин. На овој начин ќе биде полесно да се донесе одлука за употреба на убиствени постапки“, рече Кетрин Коноли од групата Стоп за роботи за убијци,пренесе Индекс.хр.
