Времето денес ќе биде облачно со повремени локални врнежи од дожд, а на планините од снег. Ќе дува слаб до умерен ветер од североисточен правец. Минималната температура ќе биде во интервал од 2 до 7, а максималната ќе достигне од 4 до 9 степени.
Во Скопје облачно со повремени врнежи од дожд. Ќе дува слаб ветер од северен правец. Минималната температура ќе се спушти до 3, а максималната ќе достигне до 6 степени, информираа од УХМР.
Утре времето ќе биде облачно со повремени врнежи од дожд, а на планините од снег. Локално врнежите ќе бидат пообилни над 20 л/м2, а на планините ќе се формира нова снежна покривка. В петок и в сабота ќе настапи преодно стабилизирање на времето, а в недела ќе има локални врнежи од дожд.
