Украина затвори три свои нуклеарни централи по денешните руски ракетни напади врз енергетската инфраструктура, соопшти државната нуклеарна компанија „Енергоатом“.
Во соопштението се наведува дека поради „падот на фреквенцијата во енергетскиот систем на Украина“, во три електрани е активиран системот за автоматска заштита.
Станува збор за нуклеарните централи „Ривне“, „Пивденоукраинск“ и „Хмелницки“, пишува „Гардијан“.
„Во моментот електраните работат во проектен режим, што значи дека не произведуваат електрична енергија за енергетскиот систем на Украина“, соопшти „Енергоатом“.
Today, November 23, 2022, due to a decrease in frequency in the power system of Ukraine as a result of massive russian shelling, emergency protection was activated at the Rivne, South Ukraine and Khmelnytskyi NPPs.
⚠️ https://t.co/UYsTS114aI#stoprussia #standwithukraine pic.twitter.com/HvDntyQMmG
— Energoatom (@energoatom_ua) November 23, 2022
Целиот киевски регион е без струја по руските напади.
Во исто време, прекин на електричната енергија имаше и во соседна Молдавија, вклучувајќи го и главниот град Кишињев.
Вицепремиерот на Молдавија, Андреј Спину, изјави дека струјата исчезнала на 50 отсто од територијата по руските напади врз украинската енергетска инфраструктура.
Russia’s attacks on Ukraine’s energy infrastructure have left Moldova in the dark, again.
Massive blackouts across the country, including Chisinau and the @MoldovaMFA building.
I instructed that Russia’s ambassador be summoned for explanations.
— Nicu Popescu (@nicupopescu) November 23, 2022
Тој на „Твитер“ изјави дека амбасадорот на Русија бил поканет да даде објаснување, пренесе „Телеграф.рс“.