Серија А е во „мирување“, со оглед на почетокот на Светското првенство, но не мируваат раководствата на клубовите кои се веќе фокусирани на зимскиот преоден рок.
Челниците на Милан, но и на Интер се свесни дека цената на некои играчи сигурно ќе порасне по Мундијалот и на секој начин се обидуваат до тој момент да договорат одредени трансфери.
Како што пренесуваат италијанските медиуми, Милан во моментов е многу поблиску до доведување на напаѓачот на Салцбург, Ноа Окафор. Тој има 22 години и му се предвидува светла иднина. Претседателот на австрискиот клуб веќе изјави дека неговиот играч вреди 40 милиони евра. На потег е Паоло Малдини, но секако дека на готовс е и Бепе Марота.
Швајцарија е во група со Бразил, Србија и со Камерун на Мундијалот што почнува на 20 ноември во Катар.
