Аеродромот во Валенсија во источна Шпанија денес беше затворен неколку часа поради силно невреме.
Воздушниот сообраќај беше во прекин од 11 до 15:20 часот по средноевропско време. Десет летови беа пренасочени кон други аеродроми, а 28 откажани, соопшти аеродромот во Валенсија.
Пистата не била во функција бидејќи ја удрил гром.
Невремето вчера го погоди источниот брег на покраината, придружено со силен ветер и врнежи од дожд, кои утрово станаа уште пообилни. Невремето го попречи и железничкиот сообраќај во Валенсија.
