Високиот претставник на ЕУ за надворешна и безбедносна политика, Жосеп Борел, објави дека во одвоените разговори во Париз со претседателот на Србија, Александар Вучиќ, и со премиерот на Косово, Албин Курти, ја истакнал потребата да се почитуваат сите преземени обврски. во рамките на дијалогот.
Целта на средбите беше да се одговори на предизвиците во односите меѓу Белград и Приштина. Разговорите се фокусираа на помош за изнаоѓање итно потребни решенија за актуелната криза и одржување на мирот и стабилноста на теренот.
Intense discussions today with @albinkurti and @predsednikrs in Paris on EU-facilitated Dialogue & way forward.
Underlined the need to respect all Dialogue commitments.
Ensuring peace and stability on the ground at this critical moment is key. https://t.co/VuKFEQ12Nn pic.twitter.com/80aBLIETKL
— Josep Borrell Fontelles (@JosepBorrellF) November 11, 2022
„Обезбедувањето мир и стабилност на теренот во овој критичен момент е од клучно значење“, напиша Борел на „Твитер“ по средбата.
Борел напиша и дека имал интензивни разговори со Вучиќ и Курти за начините за подобрување на дијалогот меѓу Белград и Приштина со посредство на ЕУ.
