Американскиот претседател Џозеф Бајден денеска пристигна во Египет на самитот на ОН за климатски промени COP27, кој се одржува во популарното летувалиште Шарм ел Шеик.
Бајден ќе помине само неколку часа во Египет и ќе го претстави американскиот план за намалување на последиците од глобалното затоплување, чии последици најмногу ги чувствуваат земјите во развој, пренесува АП.
Се очекува САД да инвестираат повеќе од 375 милијарди долари во текот на 10 години во заеднички фонд за борба против последиците од климатските промени.
Исто така, веројатно е дека Бајден ќе се пофали со многу амбициозниот Закон за намалување на инфлацијата, кој предвидува огромни инвестиции во инфраструктурата, здравствениот систем и животната средина.
Нацрт-законот, поддржан од демократите, беше усвоен од американскиот Конгрес во август.
Бајден ќе оствари билатерална средба и со претседателот на Египет, Абдул Фатах ел Сиси, на која покрај прашањата за соработка и безбедност, ќе се спомене и состојбата со човековите права во Египет.
