Жизел Бундхен наводно купила хациенда вредна 11.5 милиони долари директно преку воден пат од домот на Том Брејди неколку недели пред парот да го финализира разводот.
Имотот се протега на површина од 6.600 квадратни метри во Мајами Бич, дознава „Пејџ сикс“.
Се чини дека вилата со пет спални е речиси директно преку воден пат од куќата на нејзиниот сега веќе поранешен сопруг Брејди, која е во фаза на изградба на островот Индијан Крик.
Индијан Крик е остров на богатите и славните. Се протега на 1.2 квадратен километар во заливот Бискејн во Мајами. Поради приватноста и безбедноста, но и профилот на луѓето што поседуваат имоти, островот е наречен „Бункер на милијардерите“.
Финансиски инвеститори, саудиски шеици, руски нафтени магнати, поранешни спортски легенди, пејачи и модели поседуваат имот на ова ексклузивно место.
Индијан Крик е една од најбогатите и најбезбедни населби во Мајами, но и во светот. Единствениот копнен влез преку мостот е строго заштитен. Има приватни вооружени патроли на копно и вода 24 часа на ден, и доколку не сте поканети, не можете да стигнете до островот.
