Бизнисменот Јордан (Орце) Камчев е на слобода. Кривичниот суд му ги споил двете затворски казни за случаите „Империја“ и „Плацови на Водно“ и му ги намалил за четири месеци.
Од две години тој имал за издржување една година и осум месеци. Бидејќи во казните му се засметани и деновите поминати во ефективен притвор од вкупно 11 месеци и времето поминато во домашен притвор, бизнисменот заврши со издржување на казните.
Камчев во затворот во Струга помина четири месеци и шест дена. Во затворот во Шуто Оризари помина еден месец и 17 дена, а потоа девет месеци и 22 дена. Вкупно тој има издржано една година и три и пол месеци. Преостанатиот период го има поминато во куќен притвор.
Камчев призна вина во случајот „Империја“, каде што се спогоди со Обвинителството. Тој плати и 5 милиони евра. Во случајот „Плацеви на Водно“, Камчев беше осуден на казна од една година за делото перење пари.
