Во градот Атендорн во Германија, полицијата открила грозоморен случај, мајка која со години чувала мало девојче, нејзиното дете кое сега има 8 години, заклучено во стан, пишуваат медиумите во светот.
Главниот јавен обвинител Патрик Барон фон Гротус потврди дека случајот моментално се истражува, а девојчето е откриено и потоа згрижено при претрес на домот спроведен од полицијата и Центарот за социјална работа, пишува магазинот „Феникс“.
Осумгодишното девојче рече дека никогаш не видела шума или ливада и дека никогаш не седнала во автомобил.
Патрик Барон потврди дека во моментов нема докази дека детето било малтретирано.
Според написите, осумгодишното дете може да зборува и да оди, но има проблем да се качува по скали или да оди преку нерамна површина.
Последен пат девојчето било надвор кога имала една и пол година.
Мотивот се уште не е јасно разјаснет, а мајката на девојчето молчи за обвинувањата.
